Револуција

Секој со нормална интелигенција си ги поставува истите прашања, но не е лошо како идеја која може да се развива во неколку насоки, да речеме од монетаризам да се премине во технократизам или слично. Значи идејата треба да си живее иако мене ми наликува повеќе на идејата за комунизмот, но и таа идеја живее доволно долго и се разбира, претрпува измени во склад со новите околности. Во секој случај звучи утешително и со задоволство ги гледав двата посочени филма. има многу да се дискутира околу тоа… Поздрав

Pozdrav, braco i sestre Makedonci, voleo bih da vam odgovorim na ovaj blog, ali ja ne znam da napisem na Makedonskom, mogu na Engleskom ili Srpskom?

Здраво. Стварно се радувам кога некој одвоил неколку минути и напишал нешто за Венус проектот. Мене ми е јасно дека сите овие компарации кои ги наведовте (анархизам, комунизам, марксизам) во вашата глава се неинформирано издржани. Еве ќе се навраќам на текстот :
„Но веднаш се запрашувам: што ако машина се расипе? Кој ќе ја поправи? Па… најверојатно друга машина која поправа машини. Но што ако и таа се расипе? Па… има други машини. Но што ако сите тие се расипат? Невозможно. Но што ако? Кој тогаш ќе ги поправи машините? Па… луѓе. Но како кога никој не работи? Некој ќе поработи малку. Но како ќе знае што треба да работи? Па… ќе биде едуциран. Но како ќе знае за роботи, машини, за тоа треба специјализација, а во овој систем сите се едуцирани општо? Па… ќе има понекој едуциран специјалист. Тоа значи дека сите нема да имаат еднаква едукација?“
Во овој ваш цитат сакам да прокоментарим прво за ЕДУКАЦИЈАТА. Во денешниов свет каде што поголем дел од луѓето едукацијата ја бираат низ призмата на профитот нормално е да имате овакво мислење. Кога станува збор за општество во кое секој човек ќе има еднакви можности за едукација (без притоа да на памет му падне зборот пари) нормално е дека ќе избере да изучува нешто што страшно го занима. Кога некој има интерес (без пари и капитал) чист искрен интерес за некоја област искрено би вложил голем дел од своето време да ги осознае дотогаш откриени работи во таа област и тоа ќе го прави со тим кој ја дели истата цел во животот со најмодерната опрема која нема да се крие во фиока поради профит. Реков време ќе има,а ќе го има поради тоа што нема да има потреба да работи некоја моронска работа за да се прехрани или да ја плати ратата на банката. Со остварување на неговиот сон тој реално ќе го подобрува системот на функционирање со тоа што ќе размисли на проблемот во случајов ЗОШТО се разсипала наведената машина и КАКО тој ќе ги подобри нејзините перформанси за во иднина. Затоа Ве молам немојте да правите компарации на моменталнава едукација со едукацијата која ќе ја има во РБЕ, за да го сватите тоа слободно побарајте некој од говорителите на ТЕД кои пред јавноста говорат каква е моменталната едукација. Знам дека тешко е да се прцепираат нови видици кога сме оштетени и преоптоварени со старите. Во РБЕ секој ќе може да го постигне неговиот максимум и при тоа да ужива во исполнувањето на неговите животни цели. Оној кој сака да слика ќе слика и при тоа ќе нема потреба да МИСЛИ како да ги продаде и наплати сликите со што квалитетот на животот ќе порасне повеќекратно. Знам дека поради вашата неинформираност ќе се запрашате како е сето тоа можно, како е можно да постои свет во кој нема да има пари, нема да има приватна сопственост. Јас ќе Ве замолам да размислите уште еднаш за сето тоа, парите се обична целулоза и нивната вредност е психолошки зависна, имотот и приватната сопственост се губат после смртта (нормално наследни се),но ќе Ве замолам да размислите за целата оваа ВЕШТАЧКА приказна околу се.
Моето мислење за развојот на човештвото преку призмата на технологијата во РБЕ ќе биде од 500 до 1000 пати забрзано. Само во моментов кога би исчезнал целиот алчен психолошки набој кај луѓето, на површина ќе испловат многубројните сокриени и стопирани технологии (меглев воз-замена за авиони, еко автомобили, долгорочни еколошки напојувања геотермални, сончеви, ветрви, море), а поради мојата професија несакам да збогувам во делот на медицината, лекови за дијебетес, карциноми,а и да не постојат многукратно ќе се убрза нивното откривање. Јас несакам да должам многу, но доколку имате нејаснотии слободно информирајте се пред да донесувате заклучок за било што.
Поздрав.

Јас можеби малку каснам со коментарот за овој пост, гледам бил постиран на 18.03.2009 година, ама јас дури сега дознав дека постои. Пред се, морам да кажам дека ми се допаѓа тоа што некој знае да даде конструктивна критика за филм кој го смета за недоречен. Затоа и јас ќе се обидам да бидам конструктивна и да ги пополнам празнините кои сметаш дека се недоречени, од причина што јас сум голем поддржувач на оваа идеја за Проектот Венера.
Прва и основна работа, Проектот Венера е наменет за луѓе кои чувствуваат дека нешто не е во ред со моменталниот систем во кој живееме. Доколку сметаш дека Капитализмот е најдобриот систем кој човекот може да го смисли (мислам дека ова кај тебе не е случај), тогаш оваа дискусија е завршена. Втора најбитна работа која треба да се разбере е дека Проектот Венера НЕ Е СОВРШЕН систем и нема да ги реши сите човекови проблеми, но е многу подобар систем од она што го имаме денес.
Би почнал од терминот “анархија“. Анархија не е општествен систем. Анархија едноставно значи Безвластие. Да речеше “Комунизам“, ќе имаше повеќе допирни точки отколку “Анархија“. Ако си мислел на Комунизам, тоа е веќе друг муабет и можеме да дискутираме за сличностите и разликите со Комунизмот, ама штом не го спомна, тогаш го оставам тоа на страна. Инаку новиот систем на Жак Фреско се нарекува Економија Базирана на Ресурси (наместо на пари).
Во однос на материјалите за Проектот Венера, мислам дека нема потреба од илјадници страни материјали. Делумно си во право, не се одговорени сите прашања во врска со новиот систем, ама како што реков претходно, системот не е совршен и ако постои одговор на сите прашања тогаш значи дека зборуваме за Утопија. Сепак за клучните прашања во однос на функционирањето на системот постојат одговори, НАУЧНО ИЗДРЖАНИ, затоа што Проектот Венера претставува употреба на Научниот Метод во организацијата на општеството. Научниот Метод секогаш води до најдоброто решение и до вистината. А Маркс очигледно залудно се скршил од пишување затоа што Комунизмот остана само во неговите книги.
Во делот каде што даваш прашања и одговори, даваш одлични прашања и одлични одговори, се до одговорот дека “Ќе нема потреба никој да работи“. Ова не е точно и ти не си единствениот кој го сфатил ова на овој начин. Ова е објаснето во дополнителните материјали поврзани со Проектот Венера. Ќе се автоматизираат само досадните, повторувачките и професиите кои вклучуваат тешка физичка работа. 50% од професиите ќе исчезнат затоа што нема да постојат пари што значи дека само околу 10-20% од луѓето во светот ќе треба да работат за да функционира системот (во целосно имплементиран Проект Венера). Ова значи дека секој човек би требал да работи само по 2-3 саати во денот. Волонтери денес има колку сакаш, а тек во новиот систем кога луѓето ќе имаат повеќе слободно време. Со ова на ум, понатамошните прашања и одговори од твојот пост не се повеќе валидни.
Образованието и понатаму ќе биде специјализирано, не знам од каде го слушна тоа дека нема да биде специјализирано? Со ова на ум, прашањата и одговорите што следуваат во твојот пост, не се повеќе валидни.
Прашуваш дали би запрел технолошкиот развој. Во овој систем ќе се применува сета најнова, најдобра, најефикасна и најпродуктивна технологија што ја познаваме денес, односно што ќе ја познаваме во тоа идно време. Технолошкиот развој ќе продолжи само ако човештвото има потреба да подобри некој аспект од неговиот живот.
Природните ресурси ќе ги менаџира компјутерска програма и ќе ги распределува на оние места каде што постои најголема потреба од нив. Тука веќе навлегуваме во технолошкиот дел на Проектот Венера и ова е многу опширна тема која е целосно разработена.
Велиш: “Јас сум за сличен систем ама само добро проектиран, со предвидувања за сите можни ситуации и солуции за истите. Тоа е проект.“
Се сложувам со тебе. Тоа е вистински проект. Ама постои една работа што не си ја земал во предвид или пак не знаеш дека постои. Пред да се примени Проектот Венера, се планира изградба на Експериментален Град. Експериментот е дел од Научниот Метод. Во овој Експериментален Град ќе се примени Проектот Венера и ќе се усовршува се додека не се дојде до една “динамична рамнотежа“, за потоа да се примени насекаде во светот. Никој не може да ги предвиди сите проблеми кои можат да се појават во еден таков систем.
Кога зборуваме за Криминал, мора да дефинираме за каков криминал зборуваме. Цајтгајст во никој случај не го генерализира криминалот, туку го дели на 3 дела – Општ Криминал, Корпоративен Криминал и Владин Криминал. Доколку добијам некаков одговор од тебе на мојов пост, тогаш би навлегол и во оваа тема која е премногу опширна за да ја објаснувам сега. Ќе се смени концептот за тоа што претставува “криминалец“ во иднина. Само како пример, педофилите се болни луѓе што треба да одат на лечење, а не криминалци што треба да одат во затвор. Затворите постојат за да се заплашува народот во услови на НЕДОСТАТОК и за да задоволи некоја Библиска потреба за одмазда без да се земат в предвид причините кои допринеле за таквото однесување.
За примерот кој го даде со слободата за одлучување за раѓање деца, ова е едно од оние прашања за кои се уште не постои одговор. Ова ми покажува дека сепак си седнал и си размислил пред да напишеш било што. Ова не може да се предвиди, ама може да се земе како пример бројот на децата во едно семејство во развиените држави во светот, па дури и во Србија, Бугарија, Русија… Значи како што кажа и ти, сепак мора да се смени свеста кај луѓето.
Одговорите на битните прашања за Проектот Венера постојат, само треба да разговараш со вистинскиот човек.:)

At last! Someone with the insight to solve the prbloem!